Cyflwyno Barcud Shared Services fel partner masnachol newydd

Pam fod Barcud Shared Services eisiau bod yn partner masnachol CCC?

"Credwn fod nodau CHC a’n nodau ni yn debyg iawn a bod y ddau gorff yn bennaf yn ceisio cefnogi’r sector tai i fedru cyflawni mwy ar gyfer pobl Cymru.

Rydym yn grŵp dim-er-elw. Ein Gweledigaeth yw ‘bod y darparydd gwasanaeth o ddewis ar gyfer sefydliadau gyda diben cymdeithasol, gan ddarparu cydwasanaethau wedi eu seilio ar gydweithio, ansawdd a gwerth am arian’ a’n Nod Strategol yw ‘darparu cydwasanaethau gwerth wych, ansawdd uchel, dibynadwy a gwybodus sy’n lleihau gwastraff ac yn cynyddu gwerth a chyfle i’r eithaf ar gyfer ein sefydliadau partner’.

Drwy gydweithio, ein disgwyliad yw y bydd CHC a Barcud Shared Services fel ei gilydd yn medru sicrhau llawer mwy o fudd i’r sector ac yn y pen draw y gall cymdeithasau tai gyflawni mwy o fuddion i’w cwsmeriaid.

Gyda CHC yn cynrychioli pob landlord cymdeithasol cofrestredig yng Nghymru, credwn fod alinio ein cryfderau a chydweithio ar gynlluniau yn rhoi hyd yn oed fwy o gymorth a gwerth i’r sector".

Pa fanteision y gall Barcud Shared Services eu rhoi i gymdeithasau tai sy’n aelodau CCC a’u gwaith?

"O gofio am y cyfyngiadau ariannol cyfredol ac amcanion heriol y sector, rydym yn credu’n gryf fod cydwasanaethau yn hanfodol i sector LCC Cymru gyflawni ei amcanion a’i ddeilliannau drwy gynnig y buddion dilynol: arbedion cost, gwella ansawdd, mwy o gydnerthedd, lleihau baich rheoli, gostwng gorbenion a mwy o effeithiolrwydd.

Fel partner i CHC gobeithiwn y bydd yn cynyddu amlygrwydd y gwahaniaeth cadarnhaol a wnawn a chynyddu hygyrchedd ein gwasanaethau i fwy o aelodau cymdeithasau tai, gan felly alluogi mwy o sefydliadau i gynyddu eu heffeithlonrwydd a’u heffeitholdeb drwy ddefnyddio ein wasanaethau. Gobeithiwn hefyd y gallwn ddod â’n gwybodaeth ac arbenigedd i gefnogi prosiectau cydweithio gyda CHC ac aelodau eraill".

Pa wasanaethau ydych chi’n eu cynnig?

• Archwilio mewnol
• Datrysiadau caffael

• Hyfforddiant, gweithdai ac ymgynghoriaeth ar Reoli Risg a Sicrwydd

• Adolygiadau a hyfforddiant mewn llywodraethiant

• Ymgynghoriaeth mewn ystod eang o feysydd yn cynnwys: cynllunio strategol, rheoli prosiectau, parhad busnes ac iechyd a diogelwch

Rydym yn y broses o ddatblygu cydwasanaethau ychwanegol i ateb anghenion cleientiaid.