Mae CHC yn lansio partneriaeth codi arian gyda Shelter Cymru

Rydyn ni yn Cartrefi Cymunedol Cymru (CHC) yn ymroddedig i gefnogi gwaith gwych cymdeithasau tai, gan sicrhau fod eu gweledigaeth o Gymru lle mae tai da yn hawl sylfaenol i bawb yn dod yn realaeth. Fel rhan o’n hymrwymiad i greu cymunedau llewyrchus, rydym yn falch i gyhoeddi ein partneriaeth codi arian i gefnogi Shelter Cymru.

Mae Shelter Cymru yn cefnogi ein hargyhoeddiad fod cartref yn bopeth. Mewn cysylltiad â’n gilydd, rydym yn benderfynol i fynd i’r afael â’r argyfwng tai yng Nghymru. Mae ein cymdeithasau tai, sydd yn gweithredu mewn cymunedau ar draws Cymru, yn mynd tu hwnt i frics a morter. Maent mewn cysylltiad â chymunedau a rhieni, gan gynyddu eu heffaith i greu newid cadarnhaol a pharhaus.

Byddwn yn codi arian i Shelter Cymru dros y flwyddyn i ddod i helpu cefnogi’r gwaith hollbwysig yma. Mae pob cyfraniad yn gwneud gwahaniaeth, gan ddod â ni gam nes at sicrhau fod gan bob unigolyn yng Nghymru fynediad i gartrefi ansawdd da a fforddiadwy. Gyda’n gilydd, gallwn adeiladu dyfodol gwell a gwneud tai yn hawl sylfaenol i bawb.

Byddwn yn helpu i alluogi Shelter Cymru i barhau ei waith hanfodol tuag at ddiweddu’r argyfwng tai yng Nghymru. Drwy gefnogi ein hymdrechion codi arian, dewch yn rhan ganolog o’r datrysiad, gan gael effaith gadarnhaol ar fywydau unigolion a theuluoedd dirifedi.

Byddwn yn eich cadw mewn cysylltiad gyda’n hymdrechion codi arian ac os hoffech gymryd rhan, cysylltwch â ni os gwelwch yn dda.

Gyda’n gilydd, gallwn wneud gwahaniaeth parhaus a chreu Cymru lle gall pawb gael lle i’w alw’n gartref.