Cyhoeddi canlyniadau etholiad cyffredinol 2024 – nawr mae angen i Lywodraeth y DU weithredu ar frys i wella bywydau yng Nghymru
Gyda chanlyniadau etholiad cyffredinol 2024 wedi eu cyhoeddi, byddwn ni yn Cartrefi Cymunedol Cymru a’r cymdeithasau tai a gynrychiolwn yn parhau â’r galwadau a wnaethom drwy gydol cyfnod yr ymgyrch, ac yn annog Llywodraeth newydd y Deyrnas Unedig i gymryd y cyfleoedd sydd ganddynt i wella bywydau pobl yng Nghymru.
Er fod tai yn fater wedi ei ddatganoli, mae Llywodraeth y DU yn rheoli rhai o’r polisïau sy’n effeithio ar incymau a chostau aelwydydd, tebyg i lesiant ac ynni. Buom yn glir yn y cyfnod cyn yr etholiad fod yn rhaid i Lywodraeth nesaf y DU, a gaiff yn awr ei harwain gan Syr Keir Starmer, gymryd camau ar frys a:
- chymryd dull holistig o gymorth sy’n atal digartrefedd a chefnogi mynediad i’r farchnad rhent;
- diwygio’r Credyd Cynhwysol i sicrhau y gall y rhai sy’n ei hawlio dalu o leiaf am hanfodion sylfaenol;
- gwelliannau i’r system Credyd Cynhwysol ar gyfer hawlwyr a hefyd gymdeithasau tai;
- creu system ynni sy’n diogelu aelwydydd incwm isel;
- ymrwymo i gefnogi’r sector i gyflawni ei nodau sero net.
