Partneriaethau masnachol newydd yn cryfhau cynnig CHC

Bydd y sefydliadau hyn, ynghyd â’n 10 partner presennol, yn rhoi’r arbenigedd mae’r sector ei angen i droi ei uchelgais am fwy o gartrefi, cartrefi gwell a lleoedd iachach a thecach yn gamau gweithredu ymarferol.

“Rydym yn hynod falch i gael saith partner masnachol yn ymuno â ni. Bydd eu harbenigedd a’u cefnogaeth yn rhoi cymdeithasau tai mewn sefyllfa well byth i chwarae eu rhan i’r eithaf wrth roi diwedd ar argyfwng tai Cymru a darparu 60,000 yn fwy o gartrefi fforddiadwy dros y 10 mlynedd nesaf fel bod 20% o’r holl gartrefi yng Nghymru yn gartrefi fforddiadwy”, meddai Stuart Ropke, Prif Weithredwr CHC.

Ychwanegodd Louise Price-David, Pennaeth Aelodaeth a Phartneriaethau: “Mae ein partneriaid masnachol yn rhoi’r dulliau gweithredu a’r cymorth ymarferol mae cymdeithasau tai eu hangen i dyfu a pharhau’n sefydliadau gwydn sydd yn barod ar gyfer y dyfodol ac sy’n darparu gwasanaethau hanfodol i’r cymunedau a wasanaethant. Bydd y saith partner newydd yn rhoi mynediad i ystod ehangach byth o arbenigedd i’n haelodau ac yn agor cyfleoedd strategol ar gyfer cydweithio, a fedra i ddim aros i weld yr hyn y gallwn ei gyflawni gyda’n gilydd”.

Cubed Tax

Arbenigwyr mewn: Cyngor ar drethiant

Ffocws ar: Rhoi cyngor ariannol, esbonio rhwymedigaethau cyfreithiol a chyllidol, cynrychioli CHC yn y Grŵp Cydlynu Tir ac Eiddo a gwella effeithiolrwydd ariannol.

Darganfyddwch fwy

E.ON Green Funding Solutions

Arbenigwyr mewn: Ôl-osod cymunedol

Ffocws ar: Datgarboneiddio ac ôl-osod, gwella ansawdd tai a chynaliadwyedd

Darganfyddwch fwy

Danske Bank

Arbenigwyr mewn: Cyllid tai cymdeithasol

Ffocws ar: Cyllid, gwerth cymdeithasol a chyfleoedd cyllido

Darganfyddwch fwy

Insight HRC

Arbenigwyr mewn: Arweinyddiaeth, diwylliant a datblygu tîm

Ffocws ar: Paratoi ar gyfer y dyfodol, amgylcheddau corfforaethol, uwchsgilio arweinwyr a hyrwyddo gwytnwch ar gyfer newid gwleidyddol a chymdeithasol

Darganfyddwch fwy

Openreach

Arbenigwyr mewn: Seilwaith rhwydwaith digidol

Ffocws ar: mynd i’r afael ag allgau digidol, hyrwyddo llesiant preswylwyr, paratoi cymunedau ar gyfer y dyfodol a sicrhau mynediad teg i wasanaethau hanfodol

Darganfyddwch fwy

Plentific

Arbenigwyr mewn: Platfformau gweithrediadau eiddo gydag awtomeiddio cysylltiedig a dirnadaeth a yrrir gan ddeallusrwydd artiffisial.

Ffocws ar: Gweithredu deallusrwydd artiffisial, ymgysylltu â thenantiaid, rheoli asedau, gwella ansawdd tai

Darganfyddwch fwy

PureCyber

Arbenigwyr mewn: Seiberddiogelwch

Ffocws ar: Paratoi ar gyfer y dyfodol rhag bygythiadau sy’n dod i’r amlwg a helpu sefydliadau i lywio’r tirlun digidol cymhleth yn hyderus

Darganfyddwch fwy

Rydym yn ddiolchgar tu hwnt am gefnogaeth barhaus ein partneriaid cyfredol, Barcud Shared Services, Centrus, CHIC, Gallagher, Hugh James, Lovell, Quantum Advisory, Savills ac Utility Aid. Edrychwn ymlaen at ymchwilio cyfleoedd newydd ar gyfer cydweithio gyda’n holl bartneriaid yn y flwyddyn i ddod.