Ymunwch â ni fel Partner Masnachol ar gyfer 2025 / 2026
Mae cymdeithasau tai yn darparu tua 174,00 o gartrefi cynnes, diogel a fforddiadwy ledled Cymru, ynghyd â gwasanaethau cymorth hanfodol sy’n gwella bywydau miloedd o bobl bob blwyddyn.
Fel y corff masnach sy’n cynrychioli cymdeithasau tai Cymru, rydyn ni yn Cartrefi Cymunedol Cymru yn falch i gefnogi ein 33 aelod yn y gwaith hollbwysig yma. Rydym hefyd yn cydweithio’n agos gyda sefydliadau partneriaeth blaenllaw ym mhob rhan o’r wlad i hybu ein gwaith.
Ar hyn o bryd cawn ein cefnogi gan nifer o fusnesau blaenllaw, yn cynnwys cwmni cyfraith 100 Uchaf Hugh James, yr arbenigydd caffael CHIC a’r brocer ynni Utility Aid. Mae gan y partneriaid masnachol hyn ran hanfodol wrth ein helpu i gyflawni ein gweledigaeth o wneud Cymru yn wlad lle mae tai da yn hawl sylfaenol i bawb.
Rydym yn awr yn edrych am bartneriaid newydd i ymuno â’r sector.
Pam dod yn bartner masnachol?
- Cyrraedd cynulleidfa eang: cysylltu gyda’r sector tai a rhanddeiliaid eraill ledled Cymru.
Esgyn eich brand: lleoli eich brand wrth ochr arweinwyr y sector yn ein cynadleddau, gyda chyfleoedd i gymryd rhan mewn sesiynau gwybodaeth, sesiynau sbotolau a gweminarau.
Cynyddu sylw i’r eithaf: cysylltu gyda’r sector tai drwy ein sianeli cyfryngau cymdeithasol, gwefan a chyfathrebu uniongyrchol gydag aelodau.
Mynediad i wneuthurwyr penderfyniadau allweddol: ymgysylltu gyda phrif wneuthurwyr penderfyniadau ar draws y diwydiant, o gyfarwyddwyr i benaethiaid gwasanaeth.
Siapio’r sector: defnyddio eich arbenigedd i ddylanwadu ar a chyfrannu at ddyfodol sector tai cymdeithasol Cymru.
Beth mae busnesau yn edrych amdano?
Wrth i ni edrych i 2025, rydym yn edrych am bartneriaid a all gynnig gwasanaethau pwrpasol a chymorth arbenigol mewn meysydd allweddol ar gyfer cymdeithasau tai.
Mae gennym ddiddordeb arbennig mewn busnesau sy’n darparu cymorth gyda chyfathrebu, ymchwil, cynllunio, adnoddau dynol, y Gymraeg, seibr-ddiogelwch a deallusrwydd artiffisial.
Os oes gennych ddiddordeb mewn dod yn bartner masnachol ond yn ansicr os yw’ch sefydliad yn ateb y proffil, mae croeso mawr i chi gysylltu â ni. Byddem wrth ein bodd yn ymchwilio sut y gallwn gydweithio i wneud gwahaniaeth.
Cymryd rhan!
I ddatgan eich diddordeb mewn cydweithio gyda ni, llenwch ein Ffurflen Datganiad Diddordeb yn erbyn Dydd Llun 12 Ionawr 2025 os gwelwch yn dda.
I gael mwy o wybodaeth, mae croeso i chi gysylltu â Louise Price-David, Pennaeth Aelodaeth a Phartneriaethau, yn louise-price-david@chcymru.org.uk.
Gadewch i ni gydweithio i sicrhau fod gan bawb yng Nghymru fynediad i gartref diogel, cynnes a fforddiadwy.