Tenant Cymdeithas Tai Merthyr yn cael cynhwysion bywyd iachach
Dechreuodd Cymdeithas Tai Merthyr ei phrosiect 'Methu Coginio, Coginio'n Araf' i helpu ei thenantiaid i droi cynnyrch rhad o'r cynllun bwyd cydweithredol lleol yn brydau iach.
Mae'r tenant Jane Davies* yn medi manteision y prosiect, ac yn awr mae'n coginio prydau llawer mwy iach ar gyfer ei theulu.
Dywedodd: "Cafodd pob un ohonom gwcer araf ar ddechrau'r cwrs, gyda'r holl offer a'r cynhwysion oedd eu hangen ar bob sesiwn. Ar y diwedd, cawsom lyfr gyda'r holl rysetiau, yn cynnwys cyfarwyddiadau a rhestr cynhwysion, fel y gallem ddal ati i wneud prydau adref.
"Gwelais yr effaith a gafodd hyn ar ein hiechyd ac ar fy mhwrs. Mae prydau bwyd yn awr yn costio llawer llai na'r bwyd cyflym yr oeddem yn arfer ei fwyta. Gallaf brynu darn o gig a llysiau am tua £5, a gall hynny fwydo fy holl deulu'n rhwydd. Mae mor rhwydd rhoi cynhwysion yn y cwcer araf ar ddechrau'r dydd, a pheidio gorfod poeni am syniadau am beth i'w fwyta."
Diolch i'r prosiect, mae Cymdeithas Tai Merthyr yn dweud y bu gwelliant yn hyder a llesiant y tenantiaid, gyda'r rhai sy'n cymryd rhan yn y prosiect yn penderfynu dilyn cyrsiau hylendid bwyd fel y gallant wirfoddoli gyda 'Methu Coginio, Coginio'n Araf'.
Gwyddom fod creu cymunedau iach yn gwneud gwahaniaeth enfawr i fywydau pobl ac yn eu paratoi'n dda ar gyfer y dyfodol. Bydd adeiladu cartrefi safon uchel mewn ardal sydd â mynediad i feddygfeydd teulu, siopau a gwasanaethau tebyg i 'Methu Coginio, Coginio'n Araf' yn helpu tenantiaid i fyw bywydau iachach, a mwy hapus yn yr hirdymor.
Dyna pam ei bod mor bwysig ein bod yn cyflawni gweledigaeth ein sector o wneud cartref da yn hawl sylfaenol i bawb. Darllenwch fwy ar ein gweledigaeth yma.
*defnyddiwyd ffug enw oherwydd sensitifrwydd
Mae'r tenant Jane Davies* yn medi manteision y prosiect, ac yn awr mae'n coginio prydau llawer mwy iach ar gyfer ei theulu.
Dywedodd: "Cafodd pob un ohonom gwcer araf ar ddechrau'r cwrs, gyda'r holl offer a'r cynhwysion oedd eu hangen ar bob sesiwn. Ar y diwedd, cawsom lyfr gyda'r holl rysetiau, yn cynnwys cyfarwyddiadau a rhestr cynhwysion, fel y gallem ddal ati i wneud prydau adref.
"Gwelais yr effaith a gafodd hyn ar ein hiechyd ac ar fy mhwrs. Mae prydau bwyd yn awr yn costio llawer llai na'r bwyd cyflym yr oeddem yn arfer ei fwyta. Gallaf brynu darn o gig a llysiau am tua £5, a gall hynny fwydo fy holl deulu'n rhwydd. Mae mor rhwydd rhoi cynhwysion yn y cwcer araf ar ddechrau'r dydd, a pheidio gorfod poeni am syniadau am beth i'w fwyta."
Diolch i'r prosiect, mae Cymdeithas Tai Merthyr yn dweud y bu gwelliant yn hyder a llesiant y tenantiaid, gyda'r rhai sy'n cymryd rhan yn y prosiect yn penderfynu dilyn cyrsiau hylendid bwyd fel y gallant wirfoddoli gyda 'Methu Coginio, Coginio'n Araf'.
Gwyddom fod creu cymunedau iach yn gwneud gwahaniaeth enfawr i fywydau pobl ac yn eu paratoi'n dda ar gyfer y dyfodol. Bydd adeiladu cartrefi safon uchel mewn ardal sydd â mynediad i feddygfeydd teulu, siopau a gwasanaethau tebyg i 'Methu Coginio, Coginio'n Araf' yn helpu tenantiaid i fyw bywydau iachach, a mwy hapus yn yr hirdymor.
Dyna pam ei bod mor bwysig ein bod yn cyflawni gweledigaeth ein sector o wneud cartref da yn hawl sylfaenol i bawb. Darllenwch fwy ar ein gweledigaeth yma.
*defnyddiwyd ffug enw oherwydd sensitifrwydd