Pontio'r cenedlaethau
Enillodd Grŵp Cynefin wobr bwysig yn ddiweddar am ei waith arloesol yn mynd i'r afael ag unigrwydd ymhlith pobl oedrannus.
Ers datblygu rhaglenni rhyng-genhedlaeth yn dod â phobl ifanc a'r henoed ynghyd, canmolwyd gwaith Grŵp Cynefin gyda phreswylwyr yn dweud eu bod yn hapusach, yn fwy hyderus ac yn llai unig ar ôl cymryd rhan yn y cynllun.
Mae Olwen Griffiths, un o'r preswylwyr, yn edrych ymlaen at yr ymweliadau. Dywedodd, "Mae'n hyfryd eu gweld nhw. Maen nhw mor fywiog ac maen nhw'n cyfathrebu'n dda iawn gyda ni a rydyn ni'n mwynhau siarad gyda nhw. Maen nhw'n ymddwyn yn ardderchog, a rydyn ni'n gwerthfawrogi eu bod nhw'n gallu ymweld. Mae'n codi fy nghalon bob tro maen nhw'n dod yma".
Dechreuodd y rhaglen gyda phreswylwyr Awel y Coleg yn dod at ei gilydd gyda disgyblion o Ysgol Bro Tryweryn yn y Bala ac yn mwynhau darganfod eu talentau cerddorol drwy sesiynau rhyngweithiol dan arweiniad cerddorion proffesiynol.
Ar ôl llwyddiant y rhaglen gyntaf, trefnodd Grŵp Cynefin bod disgyblion Ysgol Pen Barras yn Rhuthun yn ymweld â chartrefi lleol i ddarllen llyfrau, dawnsio, a gwneud celf a chrefft ochr yn ochr â‘r tenantiaid oedrannus.
Dywedodd Mavis Johns wrthym, "Rwyf wrth fy modd gyda'r ymweliadau a siarad gyda nhw a'r ffordd maen nhw'n mwynhau gwneud pethau i ni. Maen nhw gymaint o ddifri wrth ein dysgu sut i wneud pethau. Mae'n hyfryd cael cysylltiad gyda nhw."
Pontio’r cenedlaethau oedd thema diwrnod tenantiaid hŷn Grŵp Cynefin ym mis Ebrill 2018 hefyd. Mynychodd plant o Ysgol Dewi Sant ac Ysgol Glan Morfa y digwyddiad i gymryd rhan mewn gweithgareddau dawnsio gwerin, canu, celf a chrefft.
Archebwch eich tocyn am y Cynhadledd Flynyddol yma
Ers datblygu rhaglenni rhyng-genhedlaeth yn dod â phobl ifanc a'r henoed ynghyd, canmolwyd gwaith Grŵp Cynefin gyda phreswylwyr yn dweud eu bod yn hapusach, yn fwy hyderus ac yn llai unig ar ôl cymryd rhan yn y cynllun.
Mae Olwen Griffiths, un o'r preswylwyr, yn edrych ymlaen at yr ymweliadau. Dywedodd, "Mae'n hyfryd eu gweld nhw. Maen nhw mor fywiog ac maen nhw'n cyfathrebu'n dda iawn gyda ni a rydyn ni'n mwynhau siarad gyda nhw. Maen nhw'n ymddwyn yn ardderchog, a rydyn ni'n gwerthfawrogi eu bod nhw'n gallu ymweld. Mae'n codi fy nghalon bob tro maen nhw'n dod yma".
Dechreuodd y rhaglen gyda phreswylwyr Awel y Coleg yn dod at ei gilydd gyda disgyblion o Ysgol Bro Tryweryn yn y Bala ac yn mwynhau darganfod eu talentau cerddorol drwy sesiynau rhyngweithiol dan arweiniad cerddorion proffesiynol.
Ar ôl llwyddiant y rhaglen gyntaf, trefnodd Grŵp Cynefin bod disgyblion Ysgol Pen Barras yn Rhuthun yn ymweld â chartrefi lleol i ddarllen llyfrau, dawnsio, a gwneud celf a chrefft ochr yn ochr â‘r tenantiaid oedrannus.
Dywedodd Mavis Johns wrthym, "Rwyf wrth fy modd gyda'r ymweliadau a siarad gyda nhw a'r ffordd maen nhw'n mwynhau gwneud pethau i ni. Maen nhw gymaint o ddifri wrth ein dysgu sut i wneud pethau. Mae'n hyfryd cael cysylltiad gyda nhw."
Pontio’r cenedlaethau oedd thema diwrnod tenantiaid hŷn Grŵp Cynefin ym mis Ebrill 2018 hefyd. Mynychodd plant o Ysgol Dewi Sant ac Ysgol Glan Morfa y digwyddiad i gymryd rhan mewn gweithgareddau dawnsio gwerin, canu, celf a chrefft.
Archebwch eich tocyn am y Cynhadledd Flynyddol yma