Dod yn bartner masnachol
Mae ein partneriaid masnachol yn rhanddeiliaid allweddol ar gyfer y sector tai yng Nghymru. Maent yn dangos eu cefnogaeth a’u hymroddiad i adeiladu perthynas gref a pharhaus gyda chymdeithasau tai ac yn rhannu ein gweledigaeth o ‘Gymru lle mae cartref da yn hawl sylfaenol i bawb’.
Sut mae’n gweithio?
Rydym wedi datblygu cynnig newydd ar gyfer Partneriaid Masnachol drwy ymgynghori gyda chymdeithasau tai ac aelodau masnachol blaenorol. Cynlluniwyd y pecyn newydd yn ofalus i ddiwallu anghenion aelodau masnachol a hefyd gymdeithasau tai.
Fel partner masnachol, byddech yn rhan o grŵp bach o sefydliadau brwdfrydig sydd â chyfle i ddatblygu perthynas agosach gyda’r sector tai yng Nghymru.
Os hoffech ymuno â’r saith sefydliad sydd eisoes yn rhan o’r rhaglen a dod yn un o bartneriaid masnachol CHC o 1 Ebrill 2024, anfonwch Ddatganiad Diddordeb atom os gwelwch yn dda. Caiff datganiadau eu derbyn tan 12 Ionawr 2024.
Pam bod yn bartner i ni?
Nid dim ond partneriaeth gyda CHC yw hyn, mae’n adeiladu partneriaeth gyda’r sector tai yng Nghymru.
Rydym yn borth i Gymdeithasau Tai yng Nghymru. Rydym yn cynrychioli ac yn cefnogi 35 Cymdeithas Tai ar draws Cymru. Ein gweledigaeth yw ‘Cymru lle mae cartref da yn hawl sylfaenol i bawb’.
Rydym yn arbenigwyr yn sector tai Cymru, cefnogwn ein haelodau a’n partneriaid o amgylch polisi, lobio, ymgyrchoedd ac eiriolaeth. Rydym yn arbenigwyr dibynadwy ym mhob agwedd o dai Cymru.
Mae ein haelodau yn darparu dros 165,000 o gartrefi i 10% o boblogaeth Cymru, gan gyflogi tua 11,000 o bobl a gyda throsiant cyfunol o dros £1.1 biliwn y flwyddyn.
Mae ein haelodau mewn cysylltiad agos gyda’n cynnig dros y flwyddyn – yn cynnwys cynadleddau, sesiynau gwybodaeth, hyfforddiant a gweminarau.
Mae gennym fynediad i uwch wneuthurwyr penderfyniadau, tebyg i brif weithredwyr, aelodau bwrdd, cyfarwyddwyr a phenaethiaid gwasanaeth o fewn y diwydiant gyda dros 3,000 o uwch arweinwyr yn gweithio gyda ni bob blwyddyn.
Mae ein haelodau yn sefydliadau annibynnol, dim-er-elw sy’n cyflwyno gwasanaethau hanfodol ac yn darparu tai fforddiadwy ar draws Cymru – mae cefnogi’r sector yn cefnogi Cymru.
Key Contact
Louise Price-David
Head of Membership and Partnerships
Email: louise-price-david@chcymru.org.uk