Cartrefi: ar gyfer pob dyfodol

Yng Nghymru, mae gormod ohonom yn byw mewn cartrefi sy’n anfforddiadwy, yn anaddas

neu yn anniogel.

Ac mae gormod ohonom yn dal i fod heb le i’w alw’n gartref.

Mae’r gost ddynol yn ddwys, gan effeithio yn ddybryd ar iechyd, cyfoeth a chyfleoedd bywyd ar draws y genedl.

Nid oes raid i bethau fod fel hyn.

Credwn fod tymor nesaf y Senedd yn cynnig trobwynt ar gyfer newid. Bydd y dewisiadau a wneir yn y blynyddoedd nesaf yn penderfynu ein dyfodol i gyd: yn unigol, fel teuluoedd, fel cymunedau ac fel cenedl.

Byddwn yn rhannu eu cynllun ar gyfer newid yma yn fuan.

Cafodd ymchwil newydd CHC a Savills, ‘Effaith economaidd-gymdeithasol cymdeithasau tai Cymru’ ei adolygu heddiw. Mae’r pennawd yn glir: Mae buddsoddiad mewn tai cymdeithasol yn fuddsoddiad yng Nghymru.

Dengys yr adroddiad y gallai cyflenwi 20,000 o dai cymdeithasol dros bedair blynedd ac yn weithredol am ddeng mlynedd ar hugain roi:

• £3.6bn o fuddion i bobl,

• £2.2bn o arbedion i wasanaethau cyhoeddus,

• £4.9bn o Werth Ychwanegol Gros i’r economi.