AI ar gyfer Arweinwyr: Polisi, Llywodraethiant a Strategaeth
£264
Mae AI yn symud yn gyflym ac yn newid y ffordd y gweithiwn. I lawer o gymdeithasau tai, yr her nawr yw sicrhau y caiff AI ei fabwysiadu a’i ymestyn mewn ffordd sy’n gyfrifol, priodol a sy’n iawn ar gyfer eich pobl.
Mae’r sesiwn yma ar gyfer arweinwyr sy’n barod i symud tu hwnt i’r sylfeini a meddwl o ddifri sut olwg sydd ar ymagwedd ystyriol, dan arweiniad gwerthoedd at AI.
Bydd ProMo Cymru yn gweithio drwy’r heriau a’r penderfyniadau allweddol sy’n wynebu arweinwyr cymdeithasau tai heddiw, o bolisi a llywodraethiant hyd at ddiwylliant staff a gweledigaeth strategol.
Drwy’r modiwl hwn, byddwn yn rhoi sylw i:
- Ysgrifennu polisïau clir ac ymarferol ar ddefnyddio AI sy’n gweithio i’ch sefydliad
- Cefnogi eich staff a meithrin hyder mewn AI ar draws eich timau
- Dynodi a rheoli ystyriaethau moesegol a risgiau mabwysiadu AI
- Datblygu a chyfathrebu strategaeth AI gyfrifol sy’n gydnaws â’ch cenhadaeth a’ch gwerthoedd
Cynlluniwyd y sesiwn yma ar gyfer:
- Uwch Arweinwyr, Ymddiriedolwyr ac Aelodau Bwrdd sydd eisiau deall yn well y cyfleoedd y mae AI yn eu cyflwyno.
- Arweinwyr digidol, arweinwyr cyfathrebu, rheolwyr gwasanaeth neu aelodau eraill o staff cymdeithasau tai sydd, p’un ai’n ffurfiol neu’n anffurfiol, yn chwarae rhan wrth lunio cyfeiriad strategol.
