Llywio rheoliadau rhwydweithiau gwres: Canllaw Ofgem ar gyfer cymdeithasau tai

Ymunwch ag Ofgem ar gyfer gweminar lawn gwybodaeth wedi ei dylunio’n benodol ar gyfer cymdeithasau tai. Bydd y sesiwn hon yn rhoi trosolwg o reoleiddio rhwydweithiau gwres hyd yn hyn, gan amlinellu’r datblygiadau allweddol, y cyfrifoldebau a’r gofynion y dylai perchenogion a gweithredwyr rhwydweithiau gwres fod yn ymwybodol ohonynt.
 
Bydd Ofgem yn esbonio’r broses o gofrestru rhwydweithiau gwres, gan gynnwys pwy ddylai gofrestru, pa wybodaeth sy’n angenrheidiol, a sut y gall perchenogion a gweithredwyr baratoi yn effeithiol. Bydd y rhai fydd yn bresennol yn cael dealltwriaeth ymarferol o’r camau angenrheidiol i sicrhau eu bod yn cydymffurfio ac osgoi heriau posibl wrth i’r fframwaith rheoleiddiol barhau i ddatblygu.
 
Wrth edrych ymlaen, bydd y weminar yn nodi beth all perchenogion a gweithredwyr ei ddisgwyl rhwng Medi a’r dyddiad cau cofrestru rhwydwaith gwres yn Ionawr 2027.

Bydd Ofgem yn amlinellu’r cerrig milltir allweddol, y gweithgaredd a ragwelir a’r gefnogaeth sydd ar gael i helpu sefydliadau i fynd trwy’r broses yn llwyddiannus.
 
Dyma gyfle rhagorol i glywed yn uniongyrchol gan y rheoleiddiwr, cael eglurder ar y gofynion sydd ar y ffordd, a gofyn cwestiynau sy’n berthnasol i’ch cyd-destun chi.

Boed eich sefydliad yn berchen ar rwydweithiau gwres, yn eu gweithredu neu eu rheoli, bydd y sesiwn hon yn eich helpu i baratoi’n hyderus ar gyfer y cam
rheoleiddiol nesaf.