Cyflwyniad i UK Hive

Wedi’i drefnu gan HACT a CHC, nod y cyflwyniad ar-lein arbennig hwn gan HACT a CHC yw dod ag uwch arweinwyr ar draws y sector tai yng Nghymru ynghyd i ymchwilio sut y gallwn gydweithio i hybu trawsnewid ac arloesi.

Bydd cyfle i glywed Andrew Van Doorn, Prif Weithredwr HACT, yn amlinellu eu huchelgais am gydweithio a buddsoddiad ar draws y sector a rhannu sut y gall cymdeithasau tai gefnogi, buddsoddi a llunio ei ddatblygiad.

Yn y digwyddiad byddwn yn cyflwyno gweledigaeth a diben UK HIVE, canolfan newydd ar gyfer arloesi ar y cyd, ymchwil a datblygu a gweithredu mewn tai cymdeithasol. Cewch gyfle i weld taith UK HIVE hyd yma a chlywed sut y gall gefnogi cymdeithasau tai i ddatgloi creadigrwydd ar y cyd, hybu trawsnewid ac ymsefydlu diwylliant o welliant parhaus ar draws sefydliadau o bob maint.