Gwylio’r Gorwel ar gyfer Arweinwyr: Beth ddylai cymdeithasau tai roi blaenoriaeth iddo yn y 12 mis nesaf?

Mae uwch arweinwyr ar draws y sector tai yn wynebu pwysau di-baid: deddfwriaeth newydd, mwy o reoleiddio, adnoddau tynnach a risg gweithredol cynyddol. Nid dim ond deall beth sy’n newid yw’r her erbyn hyn – ond gwybod lle i ganolbwyntio amser, buddsoddiad a sylw arweinwyr.

Caiff y sesiwn 90 munud hwn, a gynlluniwyd yn benodol ar gyfer Aelodau Bwrdd, Prif Weithredwyr, Cyfarwyddwyr Gweithredol a Phenaethiaid Gwasanaeth, ei chyflwyno gan gyfreithwyr sy’n arbenigo ar dai cymdeithasol o Hugh James.

Bydd yn helpu gwneuthurwyr penderfyniadau prysur i dorri drwy’r sŵn a sicrhau eglurdeb ar:

• Y materion sydd angen sylw ar unwaith gan fyrddau a gweithredwyr
   
• Yr hyn y gallwn ei ohirio yn realistig am nawr
   
• Lle dylai perchnogaeth sefydliadol fod yn fewnol
   
• Pa dimau sydd angen cynyddu eu sgiliau, adnoddau neu gymorth llywodraethiant ychwanegol
   
• Y cwestiynau hollbwysig y dylai arweinwyr fod yn gofyn i’w timau nawr

Bydd y pynciau yn cynnwys:

• Diogelwch adeiladau a’r esblygiad yn nhirlun deddfwriaethol Cymru
   
• Datblygu, caffael a risg llywodraethiant
   
• Deallusrwydd artiffisial, risg seiber, toriadau data a bod yn agored i gyfreitha
   
• Ystyriaethau rheoleiddiol a llywodraethiant ar gyfer byrddau
   
• Cyfraith Awaab a goblygiadau diwygio rhentwyr
   
• Datblygiadau cyfraith cyflogaeth a risg gweithlu
   
• Rheoli asedau, SATC a blaenoriaethau profiad preswylwyr