Cynhadledd Flynyddol CCC 2024

Ffocws ein Cynhadledd Flynyddol 2024 fydd y gydberthynas a’r rhannu dealltwriaeth rydym eu hangen i wireddu yr uchelgais sydd gennym i gyd am Gymru lle mae tai da yn hawl sylfaenol i bawb.

Nid yw’r heriau sy’n wynebu cymdeithasau tai, eu staff a thenantiaid, yn unigryw. Nid oes neb wedi bod yn rhydd o effaith gronnus y blynyddoedd diwethaf, a nodweddir gan lu o argyfyngau gwleidyddol, economaidd ac iechyd. Ond cafodd yr effeithiau eu teimlo waethaf, ac am gyfnod hirach, gan bobl ar yr incwm isaf. Ar gyfer gormod o’n tenantiaid, a’r staff sy’n eu cefnogi, nid yw’r argyfyngau hyn drosodd.

Eto daeth 2024 â wynebau newydd, ac felly gyfleoedd newydd i wneud mwy i adeiladu ein cydnerthedd torfol. Mae gan newidiadau gwleidyddol ar lefel y Deyrnas Unedig a lefel Cymru y potensial i ddod â syniadau newydd i heriau cyfarwydd: p’un ai y lefelau ystyfnig o uchel o ddigartrefedd yng Nghymru, neu’r angen brys i adeiladu mwy a datgarboneiddio cartrefi presennol. Drwy gydberthynas adeiladol a deall ein gilydd, gallwn greu’r amodau i gymdeithasau tai wneud hyd yn oed fwy i baratoi eu tenantiaid a chymunedau am lwyddiant.

Llety

Gofynnir i chi nodi NA fydd CHC yn archebu llety ar gyfer cynrychiolwyr ar gyfer 18/19 Tachwedd

RHAGLEN

Rhaglen drafft (Gall fod newid)

DIWRNOD 1 - Dydd Mawrth 19 Tachwedd

8.45yb Cofrestru, rhwydweithio a gweld yr arddangosfa

9.30yb Croeso gan y Cadeirydd - Sian Lloyd

9.40yb Croeso a Gosod y Llwyfan - Stuart Ropke, Prif Weithredwr, Cartrefi Cymunedol Cymru

10.00yb Prif araith: Jayne Bryant AS

Prif araith gan yr Ysgrifennydd Cabinet newydd dros Dai a Llywodraeth Leol, yn nodi ei blaenoriaethau a’i huchelgais ar gyfer tai cymdeithasol yng Nghymru.

10.30yb Seremoni Graddio Llwybr i’r Bwrdd

10.45yb Panel: Gwleidyddiaeth yn y blynyddoedd i ddod

Bydd ein panel arbenigol yn trafod sut y gall newidiadau gwleidyddol diweddar lunio dyfodol tai cymdeithasol yng Nghymru. Cyfle i gael gwybodaeth werthfawr ar yr heriau a’r cyfleoedd i ddod ar gyfer polisi tai yng Nghymru ymysg amgylchedd gwleidyddol newidiol.

• James Williams, BBC Walescast
• Nerys Evans, Deryn
• Joe Waters, Rheolwr Materion Allanol, Ffederasiwn Tai Cenedlaethol (NHF)
  

11.30am Lluniaeth, rhwydweithio a gweld yr arddangosfa

12.00yp Gweithdai

1. Arweinyddiaeth garedig mewn cyfnod heriol - Oliver Townsend, Platfform

Mae arweinyddiaeth heddiw angen ymagwedd garedig ac sy’n ystyriol o drawma i feithrin llesiant. Bydd y sesiwn yma, sy’n seiliedig ar egwyddorion seiliedig ar gryfderau a ffocws ar iachau Platfform, yn ymchwilio sut i arwain gydag empathi, meithrin
cydnerthedd a chefnogi iechyd meddwl. Cyfle i ddarganfod sut y gall arweinyddiaeth garedig drin anghenion cymhleth, gan gael effaith gadarnhaol ar dimau a chymunedau fel ei gilydd.

2. Denu cyllidwyr ychwanegol i sector Cymru - James Tarrant (Savills Financial Consultants), Richard Whittaker (Barclays), Michael Brooks (Fitch), Steve Valvona (Met Life)

Sut mae cyllidwyr y gweld Cymru fel cyfle buddsoddi ar hyn o bryd?

Bydd y sesiwn yma yn ymchwilio gwahanol fathau o gyllid, y broses graddio credyd, maint buddsoddiadau a’r hyn y mae’n ei olygu i’r sector.

3. Atal Troi Allan rhag mynd yn Ddigartref – cynnal tenantiaethau drwy gefnogi pobl - Jonathan Clode and Lauren Caley, Shelter Cymru

Canfu ymchwil gan Shelter Cymru fod gan bobl sydd mewn risg o gael eu troi allan am ymddygiad gwrthgymdeithasol ac ôl-ddyledion rhent yn aml anghenion cymorth cymhleth, nad ydynt yn cael eu trin. Yn y sesiwn yma byddwn yn ymchwilio’r dulliau a ddefnyddir gan landlordiaid cymdeithasol yng Nghymru i newid hyn, dysgu o arfer gorau a thrafod beth fwy fedrir ei wneud I gefnogi pobl I aros yn eu cartrefi a gweithio tuag at sefydlu ymhellach arferion ymwybodol o drawma ar draws y sector tai.

4. Trin cwynion yn dda a gwybodaeth o’r adolygiad thematig diweddaraf

Ymunwch â’r gweithdy amserol hwn i ymchwilio argymhellion a gwybodaeth o adolygiad thematig diweddaraf yr Ombwdsmon. Bydd Matthew hefyd yn trafod diben a grymoedd yr Ombwdsmon, sut mae’r system safonau cwynion yn mynd rhagddi a’r hyn y gallwn ei ddysgu o’r ystadegau diweddaraf.

1.00yp Cinio, rhwydweithio a gweld yr arddangosfa

2yp Prif Siaradwr: Dan Hewitt, newyddiadurwr, ITN

Mae Daniel yn Ohebydd Ymchwiliadau ITV News. Mae wedi ennill gwobrau am ei waith yn cynnwys ymchwiliadau i dai cymdeithasol, gofal diwedd oes a thlodi plant. Cafodd ei enwi yn Newyddiadurwr Arbenigol y Flwyddyn y Gymdeithas Deledu Frenhinol yn 2022. Mae Daniel wedi cyflwyno podlediadau ITV News 'Will Trump Win?', 'What You Need to Know' a 'Calling Peston.' Arferai weithio fel Gohebydd Gwleidyddol yn San Steffan. Yn 2018 cafodd ei adroddiadau ar dlodi yng Ngogledd Orllewin Lloegr eu henwebu am Wobr Orwell.

2.45yp Ymgysylltu cymunedau

Yn y sesiwn yma byddwn yn clywed am brosiectau ymgysylltu cymunedol sy’n edrych ar ddau fater allweddol yng Nghymru, y Deyrnas Unedig a thu hwnt: hyrwyddo mannau gwyrdd ac integreiddio ceiswyr nodded.

1. Mynd yn wyrdd: Meddwl o ddifri am sut mae cymdeithasau tai yn defnyddio eu mannau gwyrdd mewn ffyrdd newydd er budd tenantiaid, cymunedau a’r amgylchedd dros yr hirdymor

Bydd Cymoedd i Arfordir a Tai Calon yn rhannu prosiectau cyffrous ac arloesol a ddatblygwyd ganddynt i ddefnyddio eu mannau gwyrdd mewn ffyrdd newydd a gwahanol. Byddant yn rhannu’r broses yr aethant drwyddi, y strategaethau a ddatblygwyd ganddynt a sut y maent yn eu gweithredu. Bydd eu ffocws ar sut y maent wedi ymgysylltu cymunedau yn eu prosiectau Twf er Lles a phrosiectau Ffynnu Blaenau Gwent, sy’n edrych ar bopeth o dyfu bwyd i ddal carbon.

• Joanne Oak, Valleys to Coast
• Tai Calon Community Housing
• Claire Snook, Samkat

2. Atal digartrefedd ymysg ceiswyr nodded yng Nghymru - Joy Kent

Mae’r ymgynghorydd annibynnol Joy Kent yn gewithio gyda Housing Justice Cymru, Tai Pawb a Chyngor Ffoaduriaid Cymru ar hyn o bryd I gefnogi sefydliadau tai, awdurdodau lleol a mudiadau trydydd sector wrth atal digartrefedd ar gyfer pobl sy’n ceisio nodded yng Nghymru.

Bydd Joy yn lansio adroddiad newydd sy’n nodi sut mae cymdeithasau tai yn cefnogi nod Llywodraeth Cymru o ddod yn genedl nodded gyntaf y byd ac yn cyflwyno argymhellion am sut y gellir adeiladu ar yr ymgysylltu hwn i helpu mwy o bobl sy’n ceisio nodded I osgoi digartrefedd a ffynnu.

3.15yp Lluniaeth, rhwydweithio a gweld yr arddangosfa

3.45yp Prif Araith: Ymddiriedaeth mewn Sefydliadau Cyhoeddus - James Bailey, PwC UK

Bydd James yn trafod sylwadau PwC ar ymddiriedaeth mewn sefydliadau cyhoeddus ac effaith hynny ar lywodraethiant. Byddwn yn ymchwilio’r heriau sy’n wynebu sefydliadau’r sector cyhoeddus wrth ailadeiladu ymddiriedaeth, rôl ymgysylltu dinasyddion a chydweithio traws-asiantaeth i hybu atebolrwydd, a’r hyn y gallai hyn i gyd ei olygu i gymdeithasau tai.

4.30yp Diwedd Diwrnod 1 – Sylwadau’r Cadeirydd

4.45yp-5.30yp - Cyfarfod Cyffredinol Blynyddol CCC

5.00yp - Rhwydweithio Arddangoswyr

5.30-7.30yp - Derbyniad Diodydd a Canapes CCC, gyda chodi arian ar gyfer Shelter Cymru

DIWRNOD 2 - Dydd Mercher 20 Tachwedd

8.45yb Cofrestru, rhwydweithio a gweld yr arddangosfa

9.30yb Cyflwyniad i Ddiwrnod 2 – Sian Lloyd, cadeirydd y gynhadledd

9.40yb Canfyddiadau’r ymchwiliad i’r cyflenwad o dai cymdeithasol – John Griffiths AS

Yn ei brif araith bydd John Griffiths AS, Cadeirydd Pwyllgor Llywodraeth Leol a Thai Senedd Cymru, yn lansio adroddiad diweddaraf y Pwyllgor, sy’n rhoi sylw i faterion yn gysylltiedig â’r cyflenwad o dai cymdeithasol yng Nghymru ac yn gwneud argymhellion i Lywodraeth Cymru.

10.25yb Panel: Yr amgylchedd economaidd

Ymunwch â’r drafodaeth amserol hon ar yr amgylchedd economaidd cyfredol a’i effaith ar y sector tai. Bydd ein panel arbenigol yn ymchwilio heriau cynnydd mewn chwyddiant, cyfraddau llog a’r argyfwng costau byw. Bydd y sesiwn yn edrych ar strategaethau ymarferol ar gyfer darparwyr tai i reoli pwysau ariannol tra’n parhau i ddarparu tai fforddiadwy a chynaliadwy. Cewch wybodaeth am dueddiadau economaidd, cyfleoedd cyllid a'r effaith barhaus ar gymunedau bregus yn ystod y dyddiau ansicr yma.

Mewn sgwrs gyda:

• Darren Baxter, Sefydliad Joseph Rowntree
• Paul Stevens, Centrus Advisors
• Stuart Clarke, Monmouthshire Building Society

11.00yb Lluniaeth, rhwydweithio a gweld yr arddangosfa

11.30yb Gweithdai

1. Dyfodol rhenti cymdeithasol - Darren Baxter, Sefydliad Joseph Rowntree

Mae Sefydliad Joseph Rowntree wedi dechrau ar brosiect ymchwil newydd yn ymchwilio fforddiadwyedd ar gyfer tenantiaid tai cymdeithasol. Fel rhan o’r gwaith hwn, maent yn edrych ar wahanol fodelau ar gyfer gosod rhenti, gan ddefnyddio’r modelu yma i ystyried y cyfnewidiad rhwng darparu cartrefi cymdeithasol y mae cymaint o’u hangen a fforddiadwyedd. Ymunwch â Darren Baxter, JRF, i glywed am y gwaith hyd yma ac ychwanegu eich sylwadau ar y drafodaeth ar sut i sicrhau’r fantol orau rhwng fforddiadwyedd a hyfywedd ariannol.

2. Paratoi am Safonau’r Gymraeg - Rhys Evans, ateb Cymru

Yn y gweithdy yma bydd Rhys Evans, Cyfarwyddwr Ateb, yn ystyried gofynion posibl Safonau’r Gymraeg a ddaw i rym ar y sector yn dyfodol agos a pha gamau y gall cymdeithasau tai eu cymryd cyn eu gweithredu i sicrhau pontio llyfn. Drwy ymchwilio themâu allweddol, trafod gwahanol gamau’r broses a rhannu rhai gwersi a ddysgwyd o sectorau eraill, bydd y sesiwn yn codi cwr y llen ar yr hyn i’w ddisgwyl a sut i symud at y Safonau.

3. Arferion gweithio modern

• Rhiannon Dale (Hugh James)
• Jemma MacLean (Insight HRC)
• Emma Howells & Gail Walker (Valleys to Coast)
• Stacy Thomas & Ruth Llewellyn (Merthyr Valleys Homes)

4. Dweud eich stori a gwneud argraff

Ymunwch â Sara ar gyfer sesiwn ymarferol gyda ffocws ar uwch strategaethau dweud stori a deilwriwyd ar gyfer cymdeithasau tai. Bydd y gweithdy awr o hyd hwn yn cynnwys sut i lunio naratifau sy’n taro tant gyda swyddogion y Llywodraeth, cyllidwyr, partneriaid a rhanddeiliaid, gan roi manylion tri strwythur stori a brofwyd a all wella effaith eich cyfathrebu a’ch ymg7yrchoedd.

12.30yp Cinio, rhwydweithio a gweld yr arddangosfa

1.30yp Prif Siaradwr: Deallusrwydd Artiffisial er Lles - Cassidy Bereskin, OxGen AI

Ymunwch â’r sesiwn ddefnyddiol yma gyda Cassidy Bereskin, ymchwilydd PhD ac Ysgolor Clarendon yn Sefydliad Rhyngrwyd Rhydychen, sy’n ymchwilio sut y gellir defnyddio deallusrwydd artiffisial er lles i helpu cymdeithasau tai i gyflawni eu cenhadaeth a’r mesurau diogelwch i’w cynnal. Fel Sefydlydd Uwchgynhadledd Deallusrwydd Artiffisial Cynhyrchiol Rhydychen, ac yn arbenigydd ar foeseg a thryloywder deallusrwydd artiffisial, bydd Cassidy yn trafod potensial deallusrwydd artiffisial i ychwanegu gwerth at dai a chymunedau yng Nghymru – gwella gwasanaethau, hybu cynaliadwyedd a thrin diffyg cydraddoldeb. Clywch sut y gellir defnyddio deallusrwydd artiffisial i wella tai gan ddiogelu rhag risgiau fel camwybodaeth a chamddefnyddio data.

2.15yp Prif Araith: Arweinyddiaeth garedig - Ewan Hilton, Platfform

Mae’ n rhaid i fyw ein gwerthoedd tu mewn i’n sefydliadau a deall beth yw ystyr perthynas seicogymdeithasol iach gyda chydweithwyr fod y cam cyntaf i fedru cynnig yr un peth i’n cwsmeriaid. Bydd hyfforddi ein staff ‘rheng flaen’ i weithio’n wahanol, i fabwysiadu gwerthoedd ac ymddygiad nad ydynt yn eu profi gan gydweithwyr a’u harweinyddiaeth eu hunain yn arwain at fethiant, datgysylltiad cynyddol a sinigiaeth. Mae’n dechrau gydag arweinyddiaeth, ac mae’n dechrau gyda diwylliant. Byddaf yn rhannu ein taith, y llwyddiannau, y methiannau a’r hwyl.

3.00yp Rhwydweithio

3.30yp Diwedd y gynhadledd